චන්ද්ර කීර්ති කුලරත්න සමරු සටහන් ...
රහසක් පවසමි, පුතුනෙ අසනුමැන හදවත සවන යොමා දහසක් එක් කර පවසනු මැන එය, තව තව නොවී පමා නොහැක නොමැත යයි, බැරි යයි පවසා සිටින යමෙකු පොළොවේ පොළොවට බර වී සිටිනු විනා, නැත දිනුමක් ඔහු දුටුවේ තම හැකි කම, ඇති කම උත්සාහයෙන් දිරි දී නිරන්තරේ බාධක බිඳගෙන ආ විට ඇරැඹෙයි දියුණුවෙ කතන්දරේ හිත හිත, බල බල, තැවි තැවි සිටිතොත් පමාව වැඩිය හෙලේ සිත කය වෙහෙසා නිමවුණු නිපැයුම්, ඔබ සම්පතකි හෙළේ ගොඩට මඩට වුව, පෑන උදැල්ලට සිත දී එක සෙහෙලේ පිරුණු අනාගත වීරිය දරනට වර විරු පුතුනෙ හෙළේ යුතුකම යුක්තිය අයිතිය ඉල්ලා හඬක් නගන විටදී ඔබ ළඟ යුතුකම යුක්තිය ඇත්දැයි බලනු මැනවි සිත දී අවැඩෙන් අවැඩක් මිස නැත කිසි දා වැඩක් සෙතක් වන්නේ පළමු මගේ රට, දෙවනුව මා යයි සිතව් සිතව් පුතුනේ! රහසක් පවසමි, පුතුනෙ අසනුමැන හදවත සවන යොමා දහසක් එක් කර පවසනු මැන එය, තව තව නොවී පමා රහසක් පවසමි, පුතුනෙ අසනුමැන හදවත සවන යොමා දහසක් එක් කර පවසනු මැන එය, තව තව නොවී පමා
ඔහු නිර්මාණශීලී ගිහි නායකයෙකි. චතුර දේශකයෙකි. විචාරකයෙකි. නර්තනය, රංගනය, ගීත රචනය, රූප රචනය, චිත්ර කලාව, මූර්ති කලාව පමණක් නොව, නාට්ය නිර්මාණයෙන්ද ඔහු විප්ලවීය මෙහෙවරක් කළේය.
ඔහු ලේඛකයෙකි, මාධ්යවේදියෙකි. ප්රථම සිංහල දේව ධර්මික ශාස්ත්රීය සඟරාවක් වූ 'ශ්රී වචනය', 'දැක්ම', 'නව මිනිසා', 'සුදතුම් ගමන්' ආදි සඟරා හා පුවත් පත් ගණනාවක කතුවරයෙක් හා සංස්කාරකවරයෙකි.
බොරැල්ල ශාන්ත ජෝශප් වාස් දේවධර්ම නිකේතනය
ප්රවීණ දේශක
ගී පද
ගීතිකා සහ ගීත
කීර්ති කුලරත්නයන් අතින් ලියැවුණු ගීත සහ කිතුණු ගීතිකා කිහිපයක්.
ගීතිකා
කිතුණු ආධ්යාත්මිකත්වයට නව හඬක් දුන් ගීතිකා.
ජුදා ඉතිහාසයේ ශ්රේෂ්ඨ රජ කෙනෙකු ලෙස සැලකෙන "දාවිත් රජතුමා" විසින් ගයා ඇති බවට සැලකෙන, බයිබලයේ පරණ ගිවිසුමේ "ගීතාවලිය" පොතෙන් ගෙන සාදන ලද ගීතිකාවකි.
ශුද්ධාත්මයාණන්වහන්සේ නමස්කාරය කිරීම සඳහා කිතු දන පුබුදු යාච්ඤා මෙහෙයන් හිදී නිතර භාවිතා කළ ගීතිකාවකි.
ගීත
ජීවිතය, සමාජය සහ මිනිස්කම වෙනුවෙන් ලියැවුණු ගීත.
"සිංහ කොඩියෙ රාජ සිංහ" වේදිකා නාට්යයේ ගීයකි.
"ජාතිය ආගම භාෂා පක්ෂය, තත්ත්වය කුලය කුමක් වේව, අපි එක මවකගෙ දරුවෝ" යන ප්රස්තූතය යටතේ ලියැවුණු දේශාභිමානී ගීයකි.
නාට්ය
වේදිකා නිර්මාණ
සිංහ කොඩියෙ රාජසිංහ
සාමය, සංවර්ධනය සහ සහභාගිත්වය කා සඳහාදැයි ප්රශ්න කරන වේදිකා නිර්මාණයකි.
අපි එතෙර වෙමු
ඓතිහාසික පාස්කුව වර්තමානය තුළ ජීව ගැන්වෙන අයුරු සොයන නාට්යයකි.
පවුරු පදනම්
පවුල් පැවැත්ම දෙදරන විට මිනිස්කම දෙදරන බව සමාජයට මතුකර දක්වයි.
ධවල හස්තය
"වැහුවත් කාගේ ඇස් වහන්නට බැහැ ලෝක පාලක දෙවින්ගේ ඇස්" යන පණිවුඩය ගෙන එයි.
ගිහි අරගලයක අරුණෝදය
චරිතාපදාන ග්රන්ථය
කීර්ති කුලරත්නයන් ගැන ඔහුව ඇසුරු කළ පුද්ගලයින් 80 දෙනෙකුගේ අදහස් ගොණු කර සැකසූ ග්රන්ථයකි.
“එතෙක් මෙතෙක් පැවති ශ්රී ලාංකේය කිතුණු ගීත සාහිත්යයට දේව වචනය තුළින් මතු වුණු ගීතිකා නිර්මාණකරණය නව ජීවිත ක්රමයක් පටන් ගැනීමේදී ආලෝකයක් විය. ඔහු විසින් රචිත සෑම පද පේළියක් ඉදිරියෙන්ම දේව වචනයක් සටහන් කර තැබීමේ ඉඩකඩ තිබිණි. එය නූතනයෙහි පවතින ප්රශංසා, සංගීත, සන්දර්ශනාත්මක හැඟුම්බර පිබිදීමේ මෙහෙයවල්වලටද, ගීතිකාවලටද පැහැදිලි අභියෝගයකි.
චන්ද්රකීර්ති කිසි විටෙකත් දේව වචනය යථාර්ථය තුළට රැගෙන යාමට උත්සහ නොකළද, යථාර්ථය තුළ දේව වචනය සැඟව ඇති බව පෙන්වා දීමටද, එය ඉස්මතු කිරීමටද ඔහුගේ වචන සහ ජීවිතයම පරිත්යාග කළ මිනිසකු විය. දෙවන වතිකානු මන්ත්රණ සභාව ප්රායෝගික තලයට ඔසොවා ගැනීමට එය මහත් රුකුලක් විය.”